Што e веб хостинг, а што домен?

Веб хостинг ( English: Web Hosting ) едноставно претставува простор алоциран на сервер прикачен на брза интернет конекција.  Просторот е одредуван од страна на хостинг компаниите. МКхост нуди повеќе хостинг пакети со помал и поголем простор. Веб хостингот всушност не претставува само хостинг простор, туку еден вид на сервис кој што вклучува уште неколку функции/можности како:

- сообраќај ( English: Bandwidth), ова е месечниот трансфер на податоци( слики, текстови, најразлични фајлови прикачени на хостинг серверот ) кои се пренесуваат помеѓу посетителите, корисниците и хостинг серверот.
- е-маил адреси со помош на кои ќе испраќате и примате е-маил пораки до вашите пријатели/соработници...
- backup поддршка - има една изрека која вели: „Подобро е да го имаш а да не ти го треба, отколку да го немаш а да ти го треба“. - Ова се однесува на backup кој што е повеќе од потребен поради ненадејно губење на податоците, дали тоа ќе биде клиентска ненамерна грешка, дали ќе биде хакерски/кракерски напад кој што може да ја упропасти веб страната, па се до хардверски проблеми  на серверот.
- control panel - панел кој ќе ви овозможи полесно менаџирање со хостинг услугата, така што со само неколку клика ќе може да креирате е-маил адреса, или пак да инсталирате некоја скрипта ( Пр. Joomla ). МКхост го користи cPanel+ Fantastico за лесно контролирање на хостингот и лесно креирање на додатни скрипти.

Домен - името кое е карактеристично за секоја веб страна. Пример mkhost.com.mk е нашето препознатливо име со кое вие не посетувате и всушност сега го читате овој пост. Сите веб страни на Интернет првично функционираат со IP адреси доделени од страна на хостинг серверите каде што се хостираат истите, меѓутоа многу е тешко да запомниме IP адреси ( пр. 174.133.183.58 ), па затоа ги користиме домените кои лесно се памтат.  Домените се уникатни и неможе да има два исти домени. Возможно е да има две исти имиња со различна наставка ( Пр. mkhost.org , mkhost.com.mk и слично ). Крајните наставки не се многу битни при користењето и немаат строги правила во користењето, но препорачливо е доколку вашата веб страна таргетира посетителие од Македонија, наставката да биде .mk со што би се знаело дека доменот има врска со Македонија.
Доколку Вие сакате да си регистрирате домен тоа можете да го направите преку нас, едноставно кликнете на следниот линк и изберете го името што сакате да го резервирате и искористите за креирање на вашата веб страна.

Најверојатно сте ги слушнале термините или сте наишле на истите сурфајќи на Интернет.  Оние кои веќе знаат што всушност е веб хостинг и како функционира целата работа може да го препратат постот до оние кои прашуваат за овие термини :) .

Дали Ви помогна овој одговор?

 Испечати

Исто така прочитајте

Како да ја променам лозинката на некоја е-маил адреса?

За да ја промените лозинката на некоја е-маил адреса, треба да се логирате во вашиот cPanel:...

Како да променам лозинка на мојот cpanel акаунт?

Лозинката за најава во вашиот контролен cpanel може да ја менувате во било кое време. Постојат...

Пример пополнети уплатници (УРНЕК)

Пополнета уплатница при плаќање на сметка на Тутунска Банка АД Скопје Пополнета уплатница при...

Како да ја префрлам мојата веб страница во МКхост?

За една веб страница соодветно да функционира и да биде пристуна на Интернет потребно е да има...

Кои се начините на плаќање?

Како може да платам за услугите на МКхост?МКхост сега за сега нуди два начини на уплата и тоа: -...